Meitied 1940 door Jan Timmerman
| Die bange dagen van die meimaond staot oes nog aaid hiel helder bij. ’t Wil oes geheugen niet meer oetgaon, al is ’t al zuvvel jaor veurbij. En dan de vief jaor nao die meimaond; een maensg verget ’t zien leven niet; de zörg, de muite, ’t under druk staon, het wegslept wodden, het verdriet. Men zeg: de tied hielt alle wonden en dat is waor; wat west heft slet. | Mar wat wuur leên deur oorlogswonden, ‘k denk dat een maensg dat nooit verget. En zo staot oes die bange dagen altieding nog hiel helder bij. Laot dat oes dan in dizze dagen tot bliedschap wezen: wij zint vrij. Laow met mekaar de vrijheid minnen en zörgen daw de vrijheid holdt, Oes daorop ieder bod bezinnen, want vrijheid vrag um underhold. |
